Добро промешајте ја содржината на кантата. Доколку е потребно, прилагодете ја густината со условите во кои се употребува материјалот со додавање на мала количина (максимум 1%) чиста вода и повторно промешајте. Користете нерѓосувачки садови и алати. Нанесувајте го CT 174 рамномерно на подлогата во дебелина на гранулацијата, со помош на метална глетарка која треба да се држи под агол. Потоа, со помош на пластична глетарка која се држи рамно, треба на малтерот да му дадете релјеф. Кога материјалот ќе престане да се лепи за пластичната глетарка, со кружни движења се постигнува посакуваната структура.
Малтерот не треба да се прска со вода!
Работете на една површина без престан и внимавајте густината на материјалот да биде секогаш иста. Доколку работењето мора да се прекине, поставете самолеплива лента долж означените линии, нанесете малтер, направете релјеф, а потоа извадете ја лентата со остатоците свеж малтер. По паузата продолжете со работењето од означеното место. Ивицата на претходно поставениот малтер заштитете ја со самолеплива лента. Алатите и свежо извалканите места измијте ги со вода, а стврднатите остатоци од малтер извадете ги механички. Боењето на малтерот може да се изведе со силикатна боја Ceresit CT 54 или со силиконска боја Ceresit CT 48.
